Во Општина Кавадарци се разговараше за можноста за отворање младински иновативни хабови, чија цел ќе биде поттикнување на претприемачкиот дух, креативноста и иновативноста кај младите генерации.
Иницијативата беше тема на средба со Рита Колумбија, координатор на Канцеларијата на Обединетите нации во Скопје, и членовите на нејзиниот тим, во соработка со Секторот за локален економски развој и Секторот за образование.
Градоначалникот на Општина Кавадарци, Митко Јанчев, ја истакна подготвеноста на Општина Кавадарци да даде поддршка на проектот, кој би ги поврзал локалната самоуправа, бизнис-секторот, средношколците и Канцеларијата на ОН.
Идејата е преку младинските иновативни хабови да се создаде простор во кој младите ќе можат да ги развиваат своите идеи, да стекнуваат нови знаења и вештини и да бидат охрабрени да размислуваат претприемачки и иновативно.
Според објавените информации, Кавадарци се издвојува како град со млада популација, што дополнително го прави соодветна средина за започнување ваков проект.
Со поддршката на вакви иницијативи, градоначалникот Митко Јанчев и Општина Кавадарци продолжуваат со заложбите за создавање нови можности за младите и нивно поактивно вклучување во идниот економски и општествен развој на градот.
ИЗДВОЕНИ
17.500 евра за да „помине“ јавна набавка: Приведен помошник-директор во Царина
Пресудата падна, правдата во чекална – „Ласкарци“ се враќа во судските лавиринти!
Пиперката во соседството се откупува за едно евро, кај нас за мизерни 15 денари
Поскапо гориво, поскап пат до работа, а работникот плаќа од свој џеб
