Капитенот му останува верен на Работнички

Кошаркарскиот клуб Работнички продолжува да го гради тимот за новата сезона, а една од важните одлуки е продолжувањето на соработката со капитенот Виктор Ефремовски. Искусниот кошаркар и во следниот период ќе го носи дресот на најтрофејниот македонски клуб, со што продолжува неговата долгогодишна приказна во Градскиот парк.

Тој веќе десет сезони е дел од Работнички и со своите настапи прерасна во еден од препознатливите негови членови. Во изминатите сезони, редовно беше меѓу најважните играчи на Работнички, придонесувајќи со своите искуство и квалитет. Токму поради тоа, управата на клубот одлучи да ја продолжи соработката со него.

Со ова, Работнички продолжува да го задржува костурот на тимот и постепено го комплетира составот. Ефремовски, пак, ќе има можност да ја продолжи својата приказна со него.