Македонскиот музичар Коки Јанков Вечерва во Македонската филхармонија, македонскиот музичар Коки Јанков го одржува својот јубилеен концерт „30 години – Виолина и гитара“, со кој ќе одбележи три децении музичко творештво и ќе им оддаде почит на заедничката музичка соработка и пријателство со Дуле.
Публиката има можност да ужива во пресек на творештвото на Јанков преку композиции што го одбележаа неговиот тридецениски музички пат, во акустична изведба со неговиот бенд и специјални гости.
На сцената му се придружија Игор Џамбазов, Бојана Скендеровска, Ристо Самарџиев, Зоран Илиев и Јована Богдановска, заедно со состав од истакнати македонски музичари. Во рамки на концертот, посебен емотивен момент внесе и заедничкиот сценски настап на Коки со внукот на Дуле кој, всушност, свиреше на неговата гитара.
Во рамки на концертот воедно се одбележува и долгогодишната соработка меѓу Дуле и Коки, чиј заеднички музички опус остави препознатлив белег на домашната музичка сцена.
Фото: П. Стојановски
ИЗДВОЕНИ
Додека градоначалникот на Крива Паланка чека прогласување кризна состојба, приказната за македонскиот град окупиран од 1.000 крави стана и вест за „Еуроњуз“/видео
Мицкоски: Од длабок минус дојдовме до точка нула – од сега очекувам само раст и поинтензивен развој
Димитриеска-Кочоска: Определбата да нема промена на даночните стапки наметна внимателно планирање на Буџетот за 2027 година – наш приоритет е јавните финансии да бидат стабилни
Македонија повторно поразена, но по 844 минути постигна гол!
