Изложбата на фрески и икони насловена „Жив ѕид“ од авторите Никола Крнчев и Раде Најдовски е отворена во изложбениот салон на Офицерскиот дом во Битола, во рамките на „Битфест“. Со изложбата „Жив ѕид“, Крнчев и Најдовски одбележуваат 25 години заедничко творештво, информираа од КИЦ Битола.
– Изложбената поставка е своевиден печат на четврт век пријателство, партнерство и заедничка посветеност на зографската уметност. Изборот од дела ги открива нивната заедничка творечка визија и мајсторството со кое со децении го збогатуваат духовното и културното наследство во земјата и надвор од неа. Нивните фрески и икони се дел од храмови, но и од колективната меморија на генерации. Преку нив, бојата станува молитва, ѕидот – жив сведок, а уметноста – трага што го надживува времето – велат организаторите.
Битолско културно лето „Битфест“, организирано од КИЦ Битола, се одржува со поддршка од Општина Битола.
ИЗДВОЕНИ
КОЛУМНА ДАРКО СИМУНОВСКИ: Пензискиот систем тоне, а ние уште се преправаме дека пливаме
Ако утре резултатите се добри, по речиси еден месец, водата во Гостивар конечно ќе може да се пие
8 Септември под партиска опсада – наместо единство, битка за заслуги!
Ајварката ги крена производителите на нозе, не може постојано едни да печалат на грбот на другите
