Иран го обнови својот повик за прекин на огнот во Либан во понеделникот, поради континуираните израелски напади, а министерот за надворешни работи Абас Аракчи рече дека сегашното кревко примирје меѓу Иран и САД мора да го вклучи Либан.
„Прекинот на огнот меѓу Иран и САД е недвосмислен прекин на огнот на сите фронтови, вклучително и Либан. Неговото кршење на еден фронт е кршење на прекинот на огнот на сите фронтови“, наведе Аракчи во објава на X.
Според иранската новинска агенција Фарс, Аракчи рече дека преговорите со САД за потенцијален рамковен договор за прекин на војната продолжуваат и ја повика јавноста да ги игнорира спротивните гласини.
Аналитичарите нагласуваат дека Либан е стратешки и идеолошки важен за Исламската Република. Движењето Хезболах, поддржано од Иран, е еден од најблиските регионални сојузници на Техеран.
Со напредувањето на израелските копнени трупи во Либан во текот на викендот и можните нови напади во областа на Бејрут, војната во Либан продолжува да ескалира, истакнува агенцијата ДПА.
ИЗДВОЕНИ
Пофалби од Брисел, рампа за преговорите
Клековски во гостиварската Општа болница: Се бара причината за зголемениот број на пациенти во Гостивар – најголем број од случаите се регистрирани во последните два дена
Не може ако е купен станот по 3.000 евра за квадрат, да се плаќа данок како да вреди 1.500 евра
Поевтини горива ќе се точат цело лето и цела есен
