Иран е подготвен за „директна конфронтација“ со Соединетите Американски Држави (САД) доколку продолжи израелската офанзива во Либан, изјави претседателот на иранскиот парламент и главен преговарач Мохамед Багер Галибаф.
„Поморската блокада на иранската нација и зеленото светло дадено од САД денес на ционистичкиот режим ги претвораат американските бази во регионот во легитимни цели“, напиша Галибаф на платформата X.
Тој додаде дека иранските вооружени сили се подготвени да дејствуваат.
„Доколку израелската агресија против Либан продолжи, ние нема едноставно да го запреме процесот на преговори, туку ќе се вклучиме во директна конфронтација со непријателот“, напиша Галибаф.
Иранскиот пратеник Ебрахим Резаи претходно вчера вети „цврст и болен“ одговор по израелските напади врз јужните предградија на Либан.
„Ќе одговориме цврсто и болно на агресијата на ционистичкиот режим во близина на Бејрут“, напиша Резаи на социјалните медиуми. Тој е портпарол на Комитетот за национална безбедност и надворешна политика на иранскиот парламент.
Израел вчера ги бомбардираше јужните предградија на Бејрут, само неколку дена откако стапи на сила кревкото примирје постигнато на разговорите во Вашингтон.
ИЗДВОЕНИ
ПОЗИТИВНАТА ЕНЕРГИЈА ОД САМИТОТ ЕУ – ЗАПАДЕН БАЛКАН СЕ ШИРИ ВО РЕГИОНОТ: „Нон-пејперот“ од Тиват донесе видлив оптимизам и во Македонија
ЖИВОТНИ ПАТОКАЗИ, ЗОРАН КРСТЕВСКИ: Лек за душевно страдање
ПРЕСАДЕНИТЕ СРЦЕ И БУБРЕГ СПАСИЈА ДВА ЖИВОТА: Хуман чин на скопско семејство ја врати надежта во силата на дарувањето на органите
Коњско и Голем Град – дијалози со езерото што чува спомени и со островот што зборува со векови
