Иранската влада објави дека пристапот до интернет ќе биде вратен во нормала по завршувањето на војната со САД и Израел. Портпаролката на иранската влада, Фатеме Мохаџерани, изјави дека властите го сметаат интернетот за дел од основна инфраструктура и граѓанско право, со порака дека се спротивставуваат на дискриминацијата во пристапот до мрежата, објави Ал Џезира.
Таа изјави дека сегашната политика има за цел да обезбеди стабилен и висококвалитетен интернет за бизнисите, со очекување дека ситуацијата ќе се нормализира по завршувањето на конфликтот.
Според извештаите, од почетокот на војната на 28 февруари, милиони луѓе во Иран се соочиле со речиси целосни прекини на интернетот што траат 74 дена, со ограничен пристап на одобрени државни веб-страници, објави Танјуг.
Владата не прецизираше точен временски рок за укинување на ограничувањата, но рече дека мрежата ќе се врати во „нормални услови“ откако ќе се стабилизира ситуацијата.
ИЗДВОЕНИ
Новиот индекс ги откри најмоќните пасоши во светот: Шведска е број еден, македонскиот останува зад соседите
Ивановски успеа да избори пласман во финалето на Македонија опен 2026/ФОТО
Првпат во Македонија: Воведена е нова метода за прецизна дијагностика на срцеви заболувања
На Клиниката за инфективни болести се потврдени два случаи на Западнонилска треска – пациентите се хоспитализирани и под континуиран надзор
