Македонската млада триатлонка Илина Станојевска продолжува со одличните настапи на меѓународната сцена, откако викендов го освои првото место во категоријата Млади кадетки U13 на натпреварот Triathlon Zagorje 2026, кој се одржа во Бедековчина, Хрватска, како второ коло од Хрватската триатлон лига (HTL).
На суперспринт дистанца од 375 метри пливање, 11,4 километри велосипедизам и 2,6 километри трчање, Илина триумфираше со време од 44:17, оставајќи ја второпласираната натпреварувачка од Хрватска зад себе за повеќе од три минути, што претставува исклучително убедлива победа на трка со силна регионална конкуренција.
Овој резултат е уште една потврда за одличната форма на младата македонска триатлонка, која пред само неколку недели ја освои и титулата Балканска шампионка на Балканското првенство во триатлон, одржано во Охрид.
Победата во Хрватска има дополнителна тежина бидејќи Хрватската триатлон лига е една од најквалитетните национални лиги во регионот, со учество на најдобрите млади триатлонци од повеќе хрватски клубови, како и странски натпреварувачи.
Со оваа победа Илина Станојевска уште еднаш покажа дека припаѓа на самиот врв на младинскиот триатлон во регионот и дека македонскиот триатлон има светла иднина.
ИЗДВОЕНИ
Јакимовски доби одложување од месец дена – Судот ги проверува медицинските документи
СДСМ НЕМА НАМЕРА ДА СЕ ОТКАЖЕ ОД БЛОКАДАТА, Спасовски: Изборниот законик треба да се предоговара, не ја прифаќаме понудата за амандманска интервенција во неколку одредби
СЕРИОЗНО ПРЕДУПРЕДУВАЊЕ: Овој топлотен бран е генерална проба!
ИЗМЕНИТЕ ВО ИЗБОРНОТО ЗАКОНОДАВСТВО БЕЗ МЕЃУПАРТИСКИ КОНСЕНЗУС: Изборниот законик тргна во процедура, го чекаат две блокади
