Полска заплени речиси еден тон хероин во вредност од 52 милиони евра, што е најголемата заплена на дрога во последните години, соопштија властите.
Полицијата пронајде голема количина дрога во контејнери што пристигнаа од Обединетите Арапски Емирати во балтичкото пристаниште Гдиња, а властите добија информации за пратката од британските даночни власти, објави Ројтерс.
„Не морам да ви кажам што би се случило ако таква количина од оваа ужасна дрога стигне на полскиот пазар“, рече полскиот министер за внатрешни работи Марцин Кирвински.
Дрогата била скриена во пратка декоративни тули и била откриена со помош на рендгенска опрема, се додава во соопштението.
Тројца полски државјани се приведени во врска со случајот, а истрагата е сè уште во тек, пренесе Танјуг.
ИЗДВОЕНИ
Домашните трговски марки со силен извозен потенцијал добиваат нов поттик
Струјата, од следната година, би можела да поевтини за 5 до 10 проценти, најави Мицкоски
Расте револтот во аграрот, земјоделците бараат смена на Трипуновски и најавуваат протести
Судење за трагедијата во „Пулс“: Хотели се контролирале, дискотеки не – Салиу во судница го оспори својот потпис
