Најмалку 300 училишта низ Италија денеска беа евакуирани откако добија идентична закана за поставена бомба, изјави министерот за образование Џузепе Валдитара, пренесува Ројтерс. Министерот за телевизискиот канал „Ла7“, изјави дека се верува оти станува збор за лажни дојави, иако се очекува бројот на зафатени училишта да се зголеми.
„По добиената закана за бомба на национално ниво, сакаме да ве информираме дека сите ученици се преместени на безбедна локација и се под надзор на наставниот кадар“, стои во известувањето што едно училиште во Рим го испрати до родителите.
🔵 "Siamo venuti per annientarvi", si legge nella mail inviata a centinaia di scuole italiane interessate questa mattina dagli allarmi bomba. In corso evacuazioni e bonifiche in tutti gli istituti. Nel video alcuni studenti di Brescia pic.twitter.com/mRU7MGN1CC
— Rai Radio1 (@Radio1Rai) November 11, 2026
Валдитара истакна дека фактот што заканата била испратена до толку голем број училишта фрла сомнеж врз нејзината веродостојност.
Според Ројтерс, кои имале увид во пораката, таа била потпишана од „Михаил Андропов, лидер на Вилает Мизогинистан“.
Истиот наводен автор ја презеде одговорноста и за заканите за бомби испратени преку е-пошта во петокот до редакции во Ирска и Бугарија.
Италијанската полиција започна истрага за инцидентот, кој се случува во време на зголемена загриженост во Европа поради закани поврзани со таканаречената хибридна војна.
ИЗДВОЕНИ
Компаниите ќе можат да исплаќаат плати и придонеси од сметките на „Алта банка“
Екс членот на ДИК, Субхи Јакупи, познат по бонусите што си ги поделил со колеги за избори, стана претседател на Управниот суд
Мицкоски ветува нов сопственик, Филипче предупредува за ризиците, се отвори темата за наводните врски на ДУИ со Алта банка Србија
Обвинителството и МВР без детали за фемицидот во Богданци, женските организации бараат истрага за пропустите на институциите
