Хаос во Атина: Се урна станбена зграда, спасувачите бараат заробени лица/ФОТО/ВИДЕО

Четирикатна станбена зграда одеднаш се урна денес во Атина, а се верува дека четири лица се заробени во урнатините. Спасувачите ги бараат заробените лица, додека постои сомнеж дека приина за уривањето се градежните работи во близина.

Четири лица се заробени откако денес се урна четирикатна станбена зграда во областа Петралона во Атина, соопшти противпожарната бригада. Според првичните информации, не е јасно што предизвикало уривање на зградата, во која се наоѓале седум стана, пренесува „Катимерини“.

Collapsed apartment building in Athens Greece pic.twitter.com/fqkyC7E2ML

— Rita Otis🥀 (@rita_otis) June 30, 2026

Како што се наведува уривањето е резултат на градежните работи што се водат во соседната зграда. Првичните извештаи укажуваат дека четири лица биле во зградата во моментот на уривањето, но ова не е потврдено, а најновите извештаи укажуваат дека едно лице е заробено.

Apartment building collapses in central Athens; four people reported trapped insidehttps://t.co/oH94gUPNlH pic.twitter.com/wClrbTZUDB

— ANA-MPA news (@amna_newseng) June 30, 2026

Пожарникари и полиција се распоредени во областа за да помогнат во тековната операција за спасување, соопштија службите за итни случаи во соопштението. Триесет пожарникари со осум возила и специјализирано возило за спасување со две кучиња за пребарување и спасување се на местото на настанот.