НБА-лигата доби нови лоши вести, откако Тајрис Халибартон од Индијана Пејсерс и Алперен Шенгун од Хјустон Рокетс се соочија со повреди на почетокот на новата сезона.

Халибартон ќе отсуствува најмалку две недели поради истегнување на мускул на задната ложа на левата нога. Плејмејкерот се повреди против Милвоки, иако натпреварот го заврши со 22 поени, шест скока и девет асистенции. Ова е дополнителен удар за него, откако ја пропушти целата мината сезона поради тешката повреда на Ахиловата тетива.

Проблеми има и Шенгун, кој заработи полесно истегнување на мускул на грбот и ќе го пропушти дуелот со Милвоки Бакс. Турскиот центар блесна против Атланта со 29 поени, девет скока и девет асистенции, но болките се засилиле по натпреварот.

  • Ќе бидеме претпазливи. Тој ќе пропушти, најмногу, неколку натпревари, изјави тренерот Удока.

Додека Индијана ќе мора да се снаоѓа без својот главен организатор на играта, Хјустон се надева дека Шенгун наскоро ќе се врати на теренот.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ