Реал Мадрид им се извини на Кинезите

Рела (М) објави „извинување до кинескиот народ“ на својата официјална веб-страница за изјавата на Килијан Мбапе и по реакцијата на кинескиот државен радиодифузер ЦЦТВ, кој ги прекина емитувањата на шпанската Ла Лига. ЦЦТВ го стори ова откако стана вирално видеото на кое Килијан Мбапе, со помош на фотомонтажа, е прикажан како поранешниот кинески лидер Мао Це Тунг. Да потсетиме дека најмалку три големи кинески компании исто така објавија прекин на соработката со ѕвездата на шпанскиот гигант.

Целата контроверзија започна откако клип од разговор во кој Мбапе зборува за онлајн шеги за него стана вирален на социјалните мрежи. Францускиот напаѓач беше прашан која фотомонтажа со неговата слика е најсмешна. Тој одговори дека е особено му се допаѓа таа во која неговото лице е надредено на телото на човек за кој мисли дека е кинески диктатор. Додаде дека често користи таква слика во комуникацијата со пријателите.

Потоа, видеото прикажува фотомонтажа во која лицето на Мбапе е надредено врз телото на Мао Це Тунг, водачот на Кинеската комунистичка револуција и основач на Народна Република Кина. Важно е да се напомени дека Мбапе не го кажал името на Мао, но идентитетот на историскиот лидер е јасен од прикажаната фотографија.

„Реал (М) сака да му се извини на кинескиот народ за непријатностите што можеби ги предизвикаа неодамнешните зборови на нашиот играч Килијан Мбапе. Нашиот клуб има длабоко почитување кон Кина, нејзината историја, култура и граѓани, како и кон милионите кинески навивачи кои го сакаат и му се восхитуваат на Реал (М).

Клубот се придружува на јавното извинување на Килијан Мбапе, во кое самиот играч изрази жалење за своите зборови и го повтори своето почитување кон кинескиот народ. Реал (М) ја потврдува својата посветеност на вредностите на почит, коегзистенција и разбирање меѓу културите и ја изразува својата желба дополнително да ги зајакне пријателските и срдечни односи што го поврзуваат со Кина и нејзините граѓани“, пишува во официјалното соопштение.