Грција обезбедува субвенции до 500 евра месечно за жителите погодени од пожарите

Грчката влада ќе обезбеди субвенции за привремено домување за граѓаните чии домови беа оштетени во неодамнешните пожари, а помошта ќе изнесува до 500 евра месечно, објави Министерството за климатски кризи и цивилна заштита.

Мерката се однесува на сопствениците и корисниците на главните станбени згради кои се прогласени за привремено непогодни за живеење (жолта) или опасни за употреба (црвена) поради штети од пожар, објавува „Катимерини“.

Помошта ќе биде достапна во форма на субвенција за изнајмување втор стан или помош за споделување на сместување со друго лице.

Во случај на споделено сместување, износот на помошта ќе биде половина од субвенцијата за кирија.

Износот на субвенцијата за кирија ќе се определува според бројот на членови на домаќинството кои трајно живееле во оштетената зграда и ќе изнесува 300 евра месечно за едно лице, со дополнителни 50 евра за секој следен член, до максимум 500 евра месечно.

За да се добие право на помош, услов е оштетената зграда да била главно место на живеење пред пожарот и да не се користи за домување по катастрофата.

Граѓаните кои немаат друг празен или помошен имот во радиус од 25 километри од погодениот дом, исто така, имаат право на субвенција.

Субвенцијата ќе се исплаќа максимум две години за сопствениците и корисниците на становите што се обезбедени бесплатно, додека станарите на оштетените згради ќе можат да добиваат помош максимум шест месеци и само во форма на субвенција за заеднички сместувачки капацитет.

Граѓаните погодени од пожарите ќе бидат должни да поднесат барање до надлежните служби со документација со која се потврдува штетата на зградата, даночни информации и, доколку е потребно, доказ за степенот на инвалидитет.

Грција во последните денови се соочува со големи шумски пожари кои зафатија неколку области од земјата, при што евакуацијата на населението и ангажирањето на голем број пожарникари и авиони за гаснење на пожарите.