„Ер Србија“ вечерва соопшти дека авионот што го извршува редовниот лет JU134 од Белград кон Москва се враќа во Белград. Оваа одлука е донесена откако биле добиени информации од аеродромските служби кои налагаат дополнителни безбедносни проверки во врска со еден од патниците.
Според соопштението, во согласност со добиените насоки и сите важечки безбедносни прописи, донесена е одлука авионот да се врати во Белград за да се осигура целосно спроведување на сите неопходни процедури.
Проверката на патниците и багажот е во надлежност на аеродромскиот безбедносен систем и соодветните надлежни органи.
По добивањето дополнителни информации кои налагале дополнителни аеродромски безбедносни проверки, Air Serbia постапила согласно насоките на надлежните органи и сите утврдени процедури.
„Екипажот на „Ер Србија“„ постапи целосно во согласност со утврдените процедури и највисоките стандарди за безбедност и сигурност“, се наведува во соопштението.
Летот JU134 полета од белградскиот аеродром „Никола Тесла“ во 18:48 часот по локално време и моментално се враќа во Белград. Откако ќе се завршат сите неопходни процедури од страна на аеродромските власти и ќе се добијат потребните одобренија, патниците ќе бидат веднаш известени за продолжувањето на нивното патување.
ИЗДВОЕНИ
Алта ја пикираат две домашни банки, кој ќе ја преземе?
Криминалната мрежа мамела граѓани во најмалку 50 држави, а осомничени кол-центри биле идентификувани и во Македонија
По Груби и Перпарим Бајрами излегува од затвор со гаранција
Како македонските јаболка се извезуваат во Русија, а се враќаат од Бугарија?
