Русија планира да произведе три нови вакцини против рак, изјави за „Спутник“ Александар Гинзбург, академик на Руската академија на науките и научен директор на Националниот истражувачки центар за епидемиологија и микробиологија „Гамалеја“.
– Во иднина планираме да произведуваме вакцини против рак на мочен меур, рак на малите клетки на белите дробови и колоректален рак – објасни тој.
Во април, првиот пациент прими персонализирана вакцина за третман на меланом. Станува збор за 60-годишен жител на Курската област. Како што објави премиерот Михаил Мишустин во април, Русите ќе можат да ја добијат оваа вакцина преку задолжително здравствено осигурување.
