Шеј Гилџус-Александер влезе во историјата на НБА-лигата откако во победата на Оклахома од 104:102 над Бостон постигна 35 поени и со тоа го заврши својот 127. натпревар по ред со најмалку 20 поени. Со тоа, тој го собори 63-годишниот рекорд поставен од легендарниот Вилт Чемберлен.
Гилџус-Александер, кој беше и најдобар стрелец на натпреварот, го обезбеди рекордот со тројка на почетокот од третата четвртина, откако погоди две слободни фрлања во претходниот напад на Тандер. Неверојатната серија на овој четирикратен ол-стар играч трае од 1 ноември 2024 година, кога постигна 30 поени во победата од 137:114 над Портланд.
Инаку, во 1963 година, Вилт Чемберлен го постави претходниот рекорд од 126 последователни натпревари. Во модерната ера, најблиску до овој подвиг беше Кевин Дурант, кој имаше 72 последователни натпревари со 20 или повеќе поени во сезоната 2015/2016.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
