Германија и Италија го блокираа предлогот на Шпанија за суспендирање на договорот со Израел

Шпанија не успеа да добие поддршка во Советот за надворешни работи на ЕУ за својот предлог за суспендирање на договорот за асоцијација со Израел. На предлогот на шпанскиот министер за надворешни работи, Хозе Мануел Албарес, се спротивставија клучните земји-членки, вклучувајќи ги Германија и Италија, кои сметаат дека условите за таков чекор не се исполнети. Албарес ја темели иницијативата на кршење на човековите права и ескалација на конфликтите на Блискиот Исток, пишува Демократа.

Берлин и Рим оценија дека условите за активирање на Член два од договорот што ги регулира односите меѓу ЕУ и Израел не се исполнети. Шпанија се повика на оваа клаузула, договорена за време на комесарот Мануел Марин, наведувајќи ја ескалацијата на тензиите на Блискиот Исток како причина. Од друга страна, некои земји, како што е Белгија, покажаа подготвеност да размислат за замрзнување на трговскиот дел од билатералните односи.