„Алтернатива за Германија“ (АфД) — моментално најпопуларната германска партија — го номинираше поранешниот фудбалер Томас Бертхолд за свој кандидат на претседателските избори, кои ќе се одржат на 30 јануари.
Ова го објави копретседателката на АфД, Алис Вајдел, на социјалната мрежа X, опишувајќи го Бертхолд како „светски шампион без партиска припадност“.
Во заедничка изјава, Вајдел и другиот копретседател на АфД, Тино Крупала, објаснија дека „намерно избрале кандидат кој не е член на ниту една партија“ со цел да се „овозможи нов почеток на чело на државата“.
Во периодот од 1985 до 1994 година, Бертхолд одигра 64 натпревари за германската репрезентација, при што постигна еден гол; тој исто така беше дел од тимот што го освои Светското првенство во Италија во 1990 година.
Бундестагот ќе го избере наследникот на Франк-Валтер Штајнмаер на 30 јануари. Се очекува Германија за првпат да добие жена претседател, бидејќи фаворит е Илзе Ајгнер од Христијанско-социјалната унија (ЦСУ) — кандидат која исто така ја ужива поддршката на Христијанско-демократската унија (ЦДУ), Социјалдемократската партија (СПД) и партијата „Зелени“.
ИЗДВОЕНИ
Додека градоначалникот на Крива Паланка чека прогласување кризна состојба, приказната за македонскиот град окупиран од 1.000 крави стана и вест за „Еуроњуз“/видео
Мицкоски: Од длабок минус дојдовме до точка нула – од сега очекувам само раст и поинтензивен развој
Димитриеска-Кочоска: Определбата да нема промена на даночните стапки наметна внимателно планирање на Буџетот за 2027 година – наш приоритет е јавните финансии да бидат стабилни
Македонија повторно поразена, но по 844 минути постигна гол!
