Вучиќ најави дека во Парламентот ќе биде шеф на пратеничка група чие име сé уште не се знае

Александар Вучиќ, носителот на листата „Обединета Србија“, синоќа изјави дека е избран да застане на чело на опозициска пратеничка група во претстојниот состав на Народното собрание на Србија.

Конститутивната седница на Собранието, по резултатите од вонредните парламентарни избори одржани на 25 октомври, е закажана за вторник, 17 ноември.

Од 250 пратенички места во Народното собрание на Србија, „Студентската листа“ има 140, листата „Обединета Србија“ има 103, додека преостанатите 7 места им припаднаа на партиите на малцинствата.

Во изјава за телевизијата „Пинк“, Вучиќ го потврди својот избор за шеф на пратеничката група. Тој напомена дека до понеделник или вторник ќе се одлучи дали групата ќе го носи името „Обединета Србија“, „Србија против теророт“ или некое сосема друго име.

„Ќе бидам таму и, барем одредено време, ќе ја извршувам функцијата шеф на пратеничката група. Дали ќе можам да го одржам тоа на долг рок, останува да се види, но одреден период секако ќе бидам предводник на оваа група“, рече Вучиќ.

Тој нагласи дека нивното „однесување во Собранието ќе биде цивилизирано и насочено кон заштита на интересите на граѓаните“.

„Ние ќе ги застапуваме интересите на сите граѓани на Србија – интересите на една слободна Србија која љуби слобода – Србија која не прима наредби од ниту едно политбиро, Коминтерна или пленум, туку е претставена од оние кои се борат за интересите на народот и граѓаните“, додаде поранешниот претседател на СНС. Во Народното собрание нема да палиме петарди ниту да фрламе предмети кон никого; ќе се однесуваме достоинствено, но енергично ќе се бориме за Србија и за нашите политички ставови“, рече Вучиќ. Очекувам дека ќе направат циркус со доведување луѓе на галеријата – како што веќе и најавија – што не е ништо необично. Секоја арогантна власт секогаш го прави тоа на самиот почеток“, изјави поранешниот претседател на државата.