Европската Унија денес воведе санкции врз иранските судии кои ги смета за одговорни за сериозни кршења на човековите права, објави високата претставничка на ЕУ за надворешни работи и безбедносна политика, Каја Калас.
Таа напиша во објава на социјалната мрежа X дека ЕУ не смее да ја изгуби од вид репресијата врз властите во Техеран.
„Денес, ЕУ воведе нови рестриктивни мерки врз иранските судии одговорни за сериозни кршења на човековите права, вклучително и прогон на политички дисиденти и религиозни малцинства. Исто така, го санкциониравме лидерот на сајбер групата која му овозможи на режимот да ги потиснува информациите“, рече Калас.
Таа не прецизираше кои судии се санкционирани, ниту пак бројот на санкционирани, пренесе „Бета“.
