Работник е загинат на лице место откако бил затрупан при ископ на темели на градилиште во Кисела Вода, потврди за весникот ВЕЧЕР др. Драган Панов од Итната медицинска помош. Тројца други се пренесени на Ургентниот центар со тешки телесни повреди, каде лекарите се борат за нивните животи. Загинатиот е на возраст од околу 34 години. Според лекарите на терен, долго траело извлекувањето на работниците.
Претходно, од Министерството за внатрешни работи соопштија дека тројца работници се затрупани утрово при ископ на темели на градилиште во Скопје во општината Кисела Вода.
„Денеска (24.04.2026) во 08:17 часот во СВР Скопје е пријавено дека на градилиште на улицата Козјак во Скопје, при ископ на темели со земја биле затрупани тројца работници. Од нив, двајца се извадени и со возило на Итна медицинска помош се пренесени во Комплекс клиники ‘Мајка Тереза’, а во координација со Центарот за управување со кризи (ЦУК) и Бригадата за противпожарна заштита се преземаат мерки за вадење и на третото лице“, се вели во соопштението на МВР.
Немилиот настан се случил зад кафулето „Фејс“, во близина на паркот „Македонија“. На местото на настанот сеуште има амбулантни возила, полиција, противпожарни екипи.
ИЗДВОЕНИ
САМИТОТ НА ПСЈИЕ ВО СОФИЈА- Сиљановска-Давкова: Балканот има потреба од дебалканизација преку европеизација
ЗАВРШИ УШТЕ ЕДНА УЧЕБНА ГОДИНA, НО ГРИЖИТЕ ОСТАНУВААТ: Одѕвони и последното ѕвонче за годинава, ќе има ли повеќе ученици во клупите во септември?
Македонските конфекции добиваат 5 евра за кошула „хуго бос“, европските продавници ја продаваат за 40 евра
Го уништивме „Езеро Треска“, а за’рѓаа и реквизитите во аквапаркот
