По повод празникот Успение на Пресвета Богородица, кој се одбележува на 28 август, за манастирската слава во Матка ќе биде организиран дополнителен превоз за верниците и посетителите.
Покрај редовната автобуска линија 60, до полициската станица „Матка“ ќе сообраќа и дополнителен автобус, по потреба. Оттаму, посетителите ќе имаат обезбеден превоз со минибус до најблиската достапна точка до манастирот.
Од сестринството на манастирот „Успение на Пресвета Богородица“ – Матка ги повикуваат верниците да ја споделат празничната радост и да присуствуваат на литургијата и соборната молитва.
