Општина Илинден започна со реализација на проектот за пренамена на постојната кујна во детската градинка „Гоце Делчев“, со што ќе се обезбедат дополнителни простории за престој и згрижување на дечињата.
По изградбата на новата централна кујна, чија реализација е во завршна фаза, постојниот кујнски простор ќе биде целосно реконструиран и пренаменет во две нови занимални.
– Во рамките на градежните активности е предвидена изведба на нови преградни ѕидови и подови, хидроизолациски, керамички, молерофарбарски и фасадерски работи, како и поставување нова внатрешна и надворешна столарија. Ќе бидат изведени и нови електрични инсталации и осветлување, заедно со сите други потребни градежно-занаетчиски работи за создавање безбеден, функционален и современо уреден простор за најмладите – соопштија од локалната самоуправа.
Со реализацијата на проектот ќе се создадат услови за згрижување на дополнителни 50 деца, а вкупниот капацитет на детската градинка „Гоце Делчев“ ќе достигне околу 650 дечиња, со што Општина Илинден ја нагласи својата заложба за подобрување и проширување на капацитетите за предучилишно згрижување, како и за создавање квалитетни услови за престој, воспитување и развој на најмладите жители.
ИЗДВОЕНИ
Ќе паѓаат ли сметките за струја?
Од љубов до пеперутки – за охридската магија допрва ќе се прераскажува; „Охридско лето“, четириесет дена врвна уметност и рекордна посетеност
ПЕТ-скенот повторно работи, ќе се снимаат по девет пациенти
43 случаи на западнонилска треска, вирусот потврден и кај мртов гавран во Скопје
