Договорот за вештачката интелигенција е потежок од преговорите за нуклеарно оружје, смета Бил Гејтс

Коосновачот на „Мајкрософт“ и филантроп Бил Гејтс денеска изјави дека постигнувањето меѓународен договор за регулирање на вештачката интелигенција би можело да биде потешко од преговорите за ограничување на нуклеарното оружје за време на Студената војна.

Во интервју за „Ен-Би-Си Њуз“ (NBC News), тој нагласи дека САД треба да ги предводат напорите за воспоставување правила за развојот на вештачката интелигенција.

„Креаторите на политики не треба да имаат друг избор освен да се вклучат во дискусија за потребните заштитни мерки и надзор“, изјави Гејтс за американската телевизиска мрежа NBC.

Дебатата во врска со потенцијалните опасности од вештачката интелигенција се интензивираше во последните недели, по повикот на извршниот директор на „Антропик“, Дарио Амодеи, да се забави развојот на моделите на вештачка интелигенција.

Овој повик беше поддржан од раководителот на xAI, Елон Маск, и извршниот директор на „ОпенАИ“, Сем Алтман.

Покрај повиците за ограничување на развојот, други предупредувања во врска со вештачката интелигенција ја ублажија еуфоријата околу оваа нова технолошка револуција – што се рефлектира во стотиците милијарди долари инвестирани во оваа област.