Амбасадата на Босна и Херцеговина во Емиратите ги информираше граѓаните за хуманитарната помош преку WhatsApp група. Ќе бидат обезбедени 300 порции јагнешко за граѓаните.
Илјадници граѓани на Босна и Херцеговина моментално се наоѓаат во областа на Блискиот Исток чекајќи евакуација, а амбасадата на оваа земја во Емиратите ги информираше своите граѓани во порака дека додека чекаат евакуација, ќе им обезбедат јагнешко, пишуваат медиумите во БиХ.
Според босанските медиуми, пораката е споделена во групата „WhatsApp“ за комуникација помеѓу Министерството за надворешни работи на Босна и Херцеговина и надлежните амбасади со граѓаните на Босна и Херцеговина.
– „Pera Lamb House“ одлучи да подготви 300 порции од нашето јагнешко во сабота, 7 март, од 15 часот. Сакаме да ги утврдиме најзгодните локации за испорака и дистрибуција. Ги молиме сите заинтересирани да не контактираат за да можеме да создадеме организација за подигнување на нашите пакети – ова се наведува, меѓу другото, во пораката што ја сподели Амбасадата на Босна и Херцеговина во Абу Даби, како што пишува „Црнахроника“.
View this post on Instagram
Според медиумите од Босна и Херцеговина, јагнешкото ќе биде обезбедено за ифтар, вечерата за време на исламскиот месец Рамазан.
Снимка од екранот од пораката, за која се тврди дека е испратена од телефонскиот број на Амбасадата на Босна и Херцеговина, беше објавена на социјалните мрежи.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
