Неверојатен инцидент го потресол фудбалот во Еквадор откако еден фудбалер доби дурил осумгодишна суспензија поради брутален напад врз помошен судија. Џон Микел Перлаза Салас бил казнет до 19 октомври 2034 година, откако со камен го погодил судијата Ленин Џовани Охеда Нуњез во лицето.
Шокантните сцени се случиле на 17 октомври, на натпреварот меѓу Сиудад де Јанцаца и Рио Агварико, во рамките на третото ниво на еквадорскиот фудбал. Инцидентот се случил во 96. минута, кога Перлаза, кој се наоѓал на клупата за резервни играчи, направил нешто што ја згрозило спортската јавност.
La FEF suspendió por ocho años de toda actividad relacionada con el fútbol a Jhon Michel Perlaza Salas, de Ciudad de Yantzaza, por lanzar una piedra al rostro del árbitro asistente Lenin Ojeda, quien requirió cirugía y tuvo 60 días de incapacidad. Además, solicitará a la FIFA extender la sanción a nivel mundial. El club deberá pagar USD 2.000 de multa, reembolsar USD 4.369,73 en gastos médicos y disputar sus próximos tres partidos como local fuera del Estadio Municipal de Yantzaza.
— MROFF (@MrOFFSIDER) November 19, 2026
Според извештаите, фудбалерот прво се скрил зад буре, од каде што фрлил камен кон помошниот арбитер, а потоа мирно се вратил на своето место како ништо да не се случило. Судијата се здобил со сериозни повреди на лицето, поради што морал да биде подложен на хируршка интервенција и да помине 60 дена заздравувајќи. Натпреварот веднаш бил прекинат.
Jhon Michel Perlaza, jugador del Club Ciudad de Yantzaza de la Segunda Categoría, fue sancionado con ocho años de inactividad por la agresión con una piedra a un árbitro. 👉 https://t.co/GGC8lheixy https://t.co/KCX4F0nMJn
— lavozderiobamba (@lavozderiobamba) November 19, 2026
Дисциплинската комисија на Фудбалската федерација на Еквадор го прогласила Перлаза за виновен за физички напад врз службено лице и му изрекла осумгодишна забрана за учество во какви било фудбалски активности. Федерацијата најавила и дека ќе побара од ФИФА да важи суспензијата на глобално ниво.
Тешки последици ќе има и неговиот клуб. Сиудад де Јанцаца бил казнет со 2.000 долари, а дополнително ќе мора да плати 4.369 долари за медицинските трошоци на повредениот судија. Покрај финансиската казна, клубот ќе мора да ги игра следните три домашни натпревари на неутрален терен.
Инцидентот предизвикал огромен револт, а Перлаза практично си ја уништил фудбалската кариера со еден несфатлив потег. Доколку ФИФА ја прифати иницијативата на еквадорската Федерација, неговата осумгодишна суспензија ќе важи во целиот свет.











