Полицијата приведе две малолетнички од Скопје по пријава дека физички нападнале и ограбиле друго девојче во центарот на градот, при што целиот инцидент го снимале со мобилен телефон.
Според информациите од МВР, настанот се случил на 19 ноември околу 18:10 часот на подрачјето на општина Центар. Двете малолетнички ја пресретнале жртвата, по што едната физички ја нападнала, додека другата ѝ одзела пари и лични предмети и го снимала нападот со телефон. По преземените мерки, полициски службеници од СВР Скопје истиот ден во 19:50 часот ги лишиле од слобода двете осомничени малолетнички.
Од МВР информираат дека по целосно документирање на случајот против нив ќе биде поднесен соодветен поднесок.












