За време на прославата на Денот на победата во Втората светска војна во францускиот град Карпентрас, беше емитувана песната „Маршал, еве нè!“ во чест на францускиот маршал Филип Петен, создадена за време на Вишиевата Франција која соработуваше со нацистите, што локалната радио станица РТВ ФМ ја окарактеризира како грешка и се извини.
Видеата објавени на локалните медиуми покажуваат звучници како ја емитуваат песната низ градските улици, а според извештаите, емитувањето се случило во петок околу 17:30 часот, што беше потврдено и од други извори.
Градоначалникот на Карпентрас од крајно десничарскиот Национален собир (РН), Ерве де Лепино, изјави дека градската администрација не ја избрала музичката содржина за овој ден и дека ја ангажирала локалната радио станица РТВ ФМ, со која планира да го раскине договорот.
– Не бев информиран – рече градоначалникот, додавајќи дека списокот со песни претходно не бил проверен од општината, објави БФМ ТВ.
На социјалната мрежа X, RTV FM објави соопштение во кое се извинува и објаснува дека станува збор за „претходно снимена музичка секвенца наречена „Бал на ослободувањето“, во која ненамерно била вклучена песна во чест на маршалот Петен“.
Радиото им се извини на општината, присутните, ветераните и патриотските здруженија, нагласувајќи дека „градоначалникот, неговите соработници и службата за организација на настанот не се одговорни за емитување на оваа целосно несоодветна музичка содржина, некомпатибилна со вредностите што се нагласуваат на таков настан“.
Ерве де Лепино објави на социјалната мрежа X дека ќе поднесе пријава за „злонамерно дејство со намера да се предизвика штета“, пренесе „Танјуг“.
ИЗДВОЕНИ
Историја за македонскиот тенис: Лина Ѓорческа прва Македонка на Вимблдон!
Наставниците кои се вишок ќе бидат асистенти со можност за продолжување
Жесток судир меѓу Филипче и Мицкоски во собраниската сала: „Нула резултати за две години“ наспроти „Требаше да сте зад решетки“
Паѓаат кириите во Скопје, стан што се нуди за 400 евра – се издава за 250
