Иранскиот амбасадор во Обединетите нации, Амир-Саид Иравани, изјави дека Иран го задржува правото на самоодбрана и заштита на своите интереси поради, како што изјави, непријателските активности на САД во Персискиот Залив и Ормускиот Теснец.
Во писмо упатено до генералниот секретар на ОН, Антонио Гутереш, и до претседателот на Советот за безбедност, Иравани ги обвини Соединетите Американски Држави за „агресивни“ воени дејствија против два ирански танкери во близина на пристаништето Јаск и Ормутскиот теснец, како и за напади врз неколку локации во крајбрежните области на Иран, објави „Иран Прес ТВ“.
Според него, тие дејствија претставуваат кршење на прекинот на огнот прогласен на 8 април 2026 година, како и на член 2(4) од Повелбата на ОН, кој забранува употреба на сила против територијалниот интегритет и политичката независност на државите.
Иравани предупреди дека продолжувањето на ваквите активности може да има „катастрофални последици“ за регионалниот и меѓународниот мир и безбедност, наведувајќи дека САД ќе бидат одговорни за каква било ескалација.
ИЗДВОЕНИ
Историја за македонскиот тенис: Лина Ѓорческа прва Македонка на Вимблдон!
Наставниците кои се вишок ќе бидат асистенти со можност за продолжување
Жесток судир меѓу Филипче и Мицкоски во собраниската сала: „Нула резултати за две години“ наспроти „Требаше да сте зад решетки“
Паѓаат кириите во Скопје, стан што се нуди за 400 евра – се издава за 250
