Брутална пресуда за Сабаленка: Ти си го освои твоето!

Белоруската тенисерка Арина Сабаленка наиде на остри критики по поразот во финалето на Отвореното првенство на САД и познат тениски аналитичар даде многу песимистичка прогноза за продолжувањето на нејзината кариера.
Сезонава, таа ќе заврши без ниту еден трофеј од гренд слем, што е големо разочарување за неа. Таа ги загуби финалето на Отвореното првенство на Австралија и Отвореното првенство на САД од Елена Рибакина, која го презеде првото место на ВТА листата.

По последниот пораз, следуваа бројни реакции, а меѓу најгласните беше онаа на Кејтлин Томпсон, основачката на тениското списание „Рекет“, која беше гостинка во поткастот на поранешната тренерка на Серена Вилијамс, Рене Стабс.
Таа верува дека Арина „го освоила своето“ и дека повеќе нема да биде шампионка на ниту еден гренд слем турнир.
– Не мислам дека Сабаленка ќе освои уште еден гренд слем. Мислам дека нејзината форма опаѓа. Противничките ја прочитаа и се покажа дека е многу ранлива во најтешките моменти – рече Томпсон.

Потоа ја спореди Сабаленка со Коко Гоф, истакнувајќи ја менталната цврстина на американската тенисерка.
– Коко, можеби, нема да победи на секој натпревар, но знаете дека ќе се бори до последниот поен. Тоа е голема разлика.

– Сабаленка мора да направи големи промени.Т

Томпсон верува дека мора многу да се промени Сабаленка ако сака да се врати на врвот од женскиот тенис.

– Нешто се случува во нејзината глава. Ова изгледа уште посериозно отколку кога претходно поминуваше низ ментална блокада. Мислам дека ѝ требаат некои големи промени.
Сабаленка беше тенисерка број еден во светот од октомври 2024 до септември 2026 година, но по поразот во Њујорк, го изгуби врвот на ВТА-листата.