Претседателот на Националното собрание на Венецуела, Хорхе Родригез, изјави дека бројот на жртви во земјата по земјотресот се искачи на 920. Родригез рече дека најмалку 3.360 лица се повредени, додека 172 лица сè уште се водат како затрупани под урнатините.
„Најмалку 3.000 луѓе ги загубија своите домови“, рече тој, додавајќи дека околу 1.400 згради, вклучувајќи 13 болници и 25 трговски центри, се оштетени.
Aerial visuals show the extent of destruction following twin earthquakes in La Guaira, Venezuela. pic.twitter.com/PzKFiaoJ6w
— Weather Monitor (@WeatherMonitors) June 25, 2026
Во телевизиско обраќање, претседателот на Националното собрание, Хорхе Родригез, изјави дека 243 лица се спасени од погодените подрачја од катастрофата.
„Секое спасено лице е чудо“, рече тој.
Тој додаде дека спасувачките екипи од целиот свет пристигнуваат во Венецуела.
„328 спасувачи пристигнаа од Соединетите Американски Држави, 272 од Мексико, 115 од Ел Салвадор, 90 од Швајцарија, 63 од Колумбија, 40 од Шпанија, 53 од Еквадор, 34 од Чиле, 11 од Доминиканската Република и 13 од Панама, како и тимови од Обединетите нации“, рече функционерот.
Вчера два разорни земјотреси ја погодија Венецуела. Првиот беше со јачина од 7,5 степени според Рихтеровата скала, а вториот со јачина од 7,2.
ИЗДВОЕНИ
Лебдам затоа што Македонија, конечно, го препозна своето богатство
Наместо во затвор – во психијатрија: Народниот правобранител отвора сомнежи за спорни вештачења
Литар млеко се откупува колку чашка јогурт, а млекарниците продаваат хемија
Реновираните хируршки сали од април ќе се отворат на крајот на јуни
