Од денеска започна бесплатниот наставно-научен едукативен камп во Охрид, наменет за ученици од средните училишта во Скопје. Од Град Скопје информираа дека првата смена, составена од 115 ученици, утринава заминала за Охрид.
-Во текот на престојот ќе имаат можност да стекнат нови знаења и вештини, да истражуваат, да развиваат нови интереси и да создаваат нови пријателства – наведуваат од Град Скопје.
Оттаму додаваат дека целта на кампот е младите да го поминат летниот период на креативен и едукативен начин, преку активности кои ги поттикнуваат нивната љубопитност, критичкото размислување, тимската работа и личниот развој.
Во рамки на програмата се предвидени научно-истражувачки работилници, едукативни предавања, интерактивни дискусии, тимски проекти, културни и креативни активности, како и спорт и рекреација. Особено внимание ќе биде посветено на развојот на лидерските, комуникациските и презентациските вештини. Учесниците ќе имаат можност да го запознаат богатото културно и историско наследство на Охрид.
Од 25 до 31 август, во Охрид ќе престојува и втората смена, составена од дополнителни 115 ученици.
ИЗДВОЕНИ
КАКВО ЗНАЧЕЊЕ ИМАШЕ НАСТАПОТ НА ЦРКОВНИОТ ХОР И НА ИГРООРЦИТЕ ОД КИЧЕВО НА ИМВРОС: Станува ли Вселенската патријаршија сè повеќе свесна за значењето на македонскиот идентитет?
На 30 илјади евра заработка, лозарите губат 3.000 евра ако сакаат исплата веднаш
Чешка се нуди за медијатор – прашањето со Бугарија не е билатерално, туку европско
Искористил 90 дена за камионот, па не го пуштиле во Грција на семеен одмор
