Марко Бецеки ја израдува Италија со победа на домашен терен на легендарната патека Муџело, каде што пред преполните трибини приреди вистински спектакл за домашната публика во Мото ГП-шампионатот.

Возачот на Априлија ја извозе трката без грешка и прв пат во кариерата се искачи на највисокото скалило токму на една од најпрестижните патеки во календарот на Мото ГП.

Бецеки имаше одлично темпо од старт до целта и успеа да слави пред својот тимски колега, Хорхе Мартин, со што Априлија забележа двојна победа во Муџело. На третата позиција заврши Франческо Бањаја, кој и покрај силниот настап, не успеа да се вмеша во борбата за врвот.

За 27-годишниот Италијанец ова е една од најзначајните победи во кариерата, особено поради фактот што дојде пред домашната публика, што предизвика огромна еуфорија на трибините.

Со овој триумф, Бецеки дополнително ја зацврсти својата лидерска позиција во генералниот пласман со 173 бода, додека Мартин заостанува 17 бода.

По трката во Италија, Мото ГП-шампионатот се сели во Унгарија, каде што следниот предизвик ќе се вози на патеката „Балатон парк“.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ