Американскиот весник „Њујорк тајмс“ синоќа објави дека Александар Вучиќ го признал поразот на парламентарните избори во Србија, но дека постојат малку суштински разлики меѓу него и победничката студентска листа во однос на многу спорни прашања, како што се статусот на Косово или односите со Русија и Европската унија.
Сепак, „Њујорк тајмс“ пренесува и изјава на Ратко Кнежевиќ, поранешен дипломат од Црна Гора, кој истакнува дека „она што се случи вечерва во Србија не е само изборен пораз на власта, туку тектонски потрес за политичкиот поредок воспоставен во 1987 година“.
„Милошевиќ изгради систем во кој сите соседи на Србија станаа непријатели и во кој секоја критика кон власта се изедначува со предавство – а Вучиќ го усоврши тоа“, ги пренесува весникот зборовите на Кнежевиќ.
Во Србија вчера, по речиси две години масовни студентски и граѓански протести, се одржаа парламентарни избори на кои победи „Студентската листа – Студентите победуваат“. Александар Вучиќ, кој до неодамна ја извршуваше функцијата претседател на Србија, го призна поразот, додека граѓани ширум земјата излегоа на улиците за да ја прослават победата на Студентската листа.
ИЗДВОЕНИ
Вучиќ призна пораз: Изгубивме!
РИМСКАТА СРЕДБА НА МИТРОПОЛИТОТ ГЕОРГИЈ СО ВСЕЛЕНСКИОТ ПАТРИЈАРХ ВАРТОЛОМЕЈ ОТВОРИ ДИЛЕМИ: Се крши ли мразот меѓу МПЦ-ОА и Вселенската патријаршија?
Синдикалната кошница ѝ избега на платата – еден минималец се троши само за храна и пијалаци
Еден час на скеле чини 150 денари, дали новиот модел ќе им ги зголеми приходите на работниците?
