Американската војска им наредила на 27 брода да се свртат или да се вратат во иранските пристаништа од почетокот на блокадата на иранските пристаништа и крајбрежните области, објави денес Централната команда на САД (CENTCOM).
„Од почетокот на блокадата на бродовите што влегуваат или излегуваат од иранските пристаништа и крајбрежните области, американските сили им наредија на 27 брода да се свртат или да се вратат во иранските пристаништа“, објави CENTCOM на својата X платформа.
Превозниот сообраќај низ Ормускиот теснец денес остана во голема мера во застој, со само три брода што го преминуваат виталниот воден пат, според компанијата за поморски податоци Kpler.
Пријавено е дека околу дваесетина бродови го преминале теснецот во саботата откако Иран го прогласи теснецот отворен за комерцијален бродски превоз.
Сепак, сообраќајот повторно се забави откако Иран го смени курсот и рече дека ќе врши „строга контрола“ над теснецот како одговор на блокадата на иранските пристаништа од страна на САД, пренесува „Танјуг“.
ИЗДВОЕНИ
Нов случај на трговија со бебиња – иницијалите се повторуваат!?
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
