Американците за Ѓоковиќ: Не е стар, туку е болен

Неуспехот на Новак Ѓоковиќ на Отвореното првенство на САД се припишува на здравствените проблеми со кои се бори српскиот тенисер во последно време. Поранешните американски тенисери Сем Квери и Џон Иснер веруваат дека падот на формата на Ѓоковиќ не се должи на неговите години, туку на болеста што го мачи.

Квери и Иснер изразија загриженост за ситуацијата на Ѓоковиќ и истакнаа дека возраста веројатно не е неговиот најголем проблем. Тие потсетуваат дека оваа сезона стигна до финалето на Отвореното првенство на Австралија и полуфиналето на Вимблдон, па се поставува прашањето што се случило во меѓувреме.

Иснер: Повеќе личи на борба со болест

Џон Иснер тврди дека станува збор за некаков вид болест со која Ѓоковиќ не е во состојба да се справи, но верува дека може да се очекува да се врати на врвно ниво штом ќе најде решение.
„Ова не е најдобриот Новак, тоа е јасно. На 39 години, не можете да очекувате од него да биде на нивото на кое беше во претходните години. Сепак, ми се чини дека се бори со некоја акутна болест која не може да се реши. За мене, ова повеќе личи на борба со болест отколку како едноставно да завршил на 39 години“, рече Иснер во емисијата „Nothing Major Show“.

Поранешниот осми тенисер во светот додаде дека никој не знае точно што го мачи Ѓоковиќ. „Ако некако може да го надмине ова и да се врати целосно здрав, мислам дека ќе продолжиме да го гледаме како игра многу добро на гренд – слем турнирите, се разбира, ако сè уште сака да игра на големите турнири. Во моментов, оваа болест го уништува“, рече тој.

Квери: Не е толку далеку

Неговиот сонародник Сем Квери се согласува со оваа проценка. Тој верува дека српскиот тенисер сè уште може да стигне до својата 25-та гренд – слем титула ако ги реши здравствените проблеми и ако околностите на АТП турнејата се совпаднат.

„Тоа повраќање на теренот, како во Синсинати, и генерално лошо изгледање… Тоа не е само последица на неговите години, туку и фактот дека е болен. Нешто не е во ред со него во моментов“, рече Квери. „Што и да каже некој, тој не е толку далеку. Карлос има мали проблеми со повреди, исто така и Јаник. Ако околностите се соодветни, можеби ќе успее, но очигледно станува сè потешко“, заклучи Американецот.

Самиот Ѓоковиќ призна дека во последно време се бори со здравјето, но не сакаше да ги открие деталите. И покрај поразот во првото коло на Отвореното првенство на САД, тој не наговести за крајот на кариерата.