Жена била погодена од гром додека носела чадор на плажата во Башка, Крк, утрово, за време на грмотевици што зафатија делови од Кварнер, објавува порталот „Индекс“.
Таа била пренесена во Клиничкиот болнички центар (KBC) Риека и е на одделението за интензивна нега, потврди здравствената установа.
Несреќата се случила околу 7:10 часот наутро на плажата во Башка.
Спасувач на плажата ѝ пружил прва помош на жената, по што таа била пренесена во KBC Риека со хеликоптер за итна медицинска помош.
Според неофицијални информации, таа е чешка државјанка.
Раководителот на клиниката за анестезиологија, интензивна нега и справување со болка во Болничкиот центар во Риека, Ален Протиќ, за RTL изјави дека жената е во критична состојба и е на одделението за интензивна нега.
„Станува збор за повреди од удар од гром, кои можат да имаат значајни и драстични последици. Во овој случај, со оглед на реанимацијата и ударот од гром во главата, не можеме да ја процениме моменталната состојба на нејзините мозочни функции. Се обидуваме да ја стабилизираме“, рече Протиќ.
ИЗДВОЕНИ
Водата во Гостивар била многу загадена со колиформни бактерии
Нови цени на горивата од полноќ: Бензините поскапуваат за три, дизелот за шест денари
Забележано е почетно намалување на бројот на новoпрегледани пациенти во Гостивар, активно се следи состојбата на терен, информираат од МЗ
НАЈДОБРИТЕ СРЕДНОШКОЛЦИ ШТО ОДНОВО ДОНЕСОА ГРСТ МЕДАЛИ ОД ПРЕСТИЖНИТЕ НАТПРЕВАРИ, ПРЕД ДИЛЕМИ: Странските универзитети во трка за најталентираните ученици, Македонија мора да најде начин да им покаже колку смета на нив
