Украина во моментов тестира ново оружје развиено за пресретнување дронови, изјави украинскиот претседател Володимир Зеленски, додавајќи дека досегашните тестови биле успешни, пренесе британската новинска агенција „Ројтерс“.
„Во моментов се тестира ново оружје. Тоа е развиено од Украина и постигна успех: уништен е дрон од типот ’Шахед‘“, им рече Зеленски на новинарите.
Тој додаде дека сè уште треба да се разработат одредени технички детали и дека е потребно уште малку време.
Украинската војска соопшти дека Русија во текот на ноќта лансирала 80 дронови и дека 63 од нив биле успешно пресретнати, пренесува „Бета“.
