Застрашувачко невреме го опустоши Крит: Поради поројни поплави се урна мост, има повредени/ВИДЕО

Силното невреме што ја зафати јужна Грција предизвика големи поплави на Крит, а две лица се повредени откако се урна мост додека тие го минувале во областа Ретимно, соопштија локалните власти. Повредениот пар се движел преку мост во Ливадија – планинско село на околу 40 километри југозападно од Ираклион – кога поројните води оштетиле дел од конструкцијата, пренесува информативниот портал „Екатимерини“.

Двајцата се пренесени во болница на лекување, а нивната состојба засега не е позната. Невремето исто така доведе до прекин во снабдувањето со електрична енергија, па Зонијана, Ливадија и Аногеја останаа без струја.

Силните врнежи во планинската област Милопотамос ги принудија надлежните да ги затворат сите училишта и градинки. Училиштата не работат ниту во Ханија и Ретимно.

🇬🇷 اليونان | اجتاحت السيول العارمة منطقة غوفيس في جزيرة كريت، وحوّلت الطرق إلى أنهار جارفة، فيما جرفت المياه سيارات إلى البحر وحملت كميات كبيرة من الحطام نحو الشاطئ.🚨
🎥 https://t.co/UbkKmqpeHl#Greece | #Crete pic.twitter.com/Y3IMoC7yoL

— طقس_العالم ⚡️ (@Arab_Storms) October 1, 2026

Градоначалникот Јоргос Кладос побара од министерот за климатски кризи и цивилна заштита, Евангелос Турнас, да прогласи вонредна состојба во општина Милопотамос поради обилните врнежи што го погодија регионот, предизвикувајќи сериозни проблеми, главно во планинските села.

🌧️ Κακοκαιρία στην Κρήτη: Φούσκωσε το ρέμα στο Πέραμα Μυλοποτάμου μετά τη σφοδρή βροχόπτωση που σημειώθηκε τα ξημερώματα της Πέμπτης.

🌊 Το βίντεο αποτυπώνει τον τεράστιο όγκο νερού που κατεβάζει το ρέμα, καθώς τα έντονα φαινόμενα βρίσκονται σε πλήρη εξέλιξη.

⚠️ Ισχυρές βροχές… pic.twitter.com/Rq2BiAFpKZ

— TA NEA (@ta_nea) October 1, 2026

Во Зонијана водените порои носеле автомобили, се наведува во извештаите. Слична ситуација е забележана и во Ливадија, а патиштата ширум Крит претрпеа големи оштетувања.

Рано утрово беше упатен итен апел до граѓаните да го ограничат движењето и да ги избегнуваат подрачјата околу Зонијана, Ливадија и Милопотамос.

I'm currently stuck in Sissi and can't get home as road home up the mountain is closed due to flooding and rockfalls and landslide. Left home 6am to go to work , got flooded out and had to try and get home 😢
Video is outside my house, wife sent it . https://t.co/EpFeVxI2kK pic.twitter.com/Fn3GHwM98l

— Δημήτρης Καφεδάκις 🍀🇬🇷 (@cretebhoy) October 1, 2026

Траектните линии од атинските пристаништа Рафина и Лаврио се суспендирани, а пристанишните власти очекуваат подоцна во текот на денот да објават ажурирани информации за тоа дали поаѓањата ќе можат да продолжат од пладне па натаму.

Националната метеоролошка служба (EMY) прогнозира нестабилно време во јужна Грција, особено на Крит, сè до недела, проследено со олујни ветрови во Егејското Море.