Започнува војна каква што не памети фудбалскиот свет!

Нов конфликт околу иднината на ФИФА би можел да ја донесе најголемата криза во светскиот фудбал досега.

Според „Тајмс“, противниците на претседателот на ФИФА, Џани Инфантино, размислуваат за радикални потези за да извршат дополнителен притисок врз шефот на светскиот фудбал.

Според овој угледен британски весник, целта е да се принуди Инфантино да поднесе оставка.

„Тајмс“ тврди дека противниците ја разгледуваат можноста за блокирање на работата на ФИФА. Таквиот потег би се користел како средство за вршење притисок врз сегашното раководство.

Во исто време, истиот извор наведува дека постои подготвеност за уште порадикално сценарио.

Во случај Инфантино да одбие да се повлече, се разгледува воспоставувањето нови меѓународни фудбалски натпреварувања.

Таквиот потег би претставувал еден од најголемите предизвици со кои се соочила ФИФА.

Во последните недели, поделбите во светскиот фудбал стануваат сè поизразени, особено по контроверзните предлози за идниот модел на управување и финансирање на натпреварувањата на ФИФА.

Досега, Џани Инфантино не коментираше за новите обвинувања, а ФИФА не издаде официјален коментар за информациите објавени од „Тајмс“.

Останува да се види дали овие најави ќе се претворат во конкретни потези или ќе останат на ниво на планови. Едно е сигурно, а тоа е дека светскиот фудбал влегува во период што никогаш порано не се случил.