Од Општина Ѓорче Петров известуваат дека утре ќе им биде оддадена почит на осумтемина бранители што ги положија своите животи за Македонија.
Комеморативниот настан ќе се одржи кај спомен-чешмата „Томислав Настески-Бумбар“, со почеток во 8:00 часот, а во 8:30 часот – кај споменикот на загинатите бранители во Волково.
Од Општината ги покануваат сите граѓани да присуствуваат за, како што велат, да се зачува споменот за нивната храброст и за нивната жртва.
– Нивната жртва е вечен потсетник за храброста и за пожртвуваноста кон татковината. Споменот за нив ќе живее засекогаш – потенцираат од локалната самоуправа.
