Денеска од траект во Грција, кој требаше да исплови од Пиреја, беа евакуирани околу 875 патници, откако беше добиено предупредување дека на бродот е поставена експлозивна направа.
По евакуацијата, припадници на крајбрежната стража започнаа со претрес на бродот, со помош на специјално обучено куче за откривање експлозиви, пренесува „Катимерини“.
На бродот се наоѓаше и екипаж од 83 члена, а пловилото превезуваше 89 патнички автомобили, 12 мотоцикли, 110 камиони и еден минибус.
Траектот „Блу стар 1“ („Blue Star 1“) требаше да исплови за Родос во 18:00 часот по локално време, со попатни застанувања на островите Сирос, Патмос, Лерос и Кос, пренесува „Танјуг“.
ИЗДВОЕНИ
Златните прачки и монети се сигурна инвестиција за Македонците, грам чисто злато чини 125 долари
Реакција: ЗНАМ е државотворна партија и не ги менува ставовите според дневнополитичките интереси
Власта уверува дека Алта банка ќе биде спасена од стечај
Хибридно решение за правосудниот испит – теоријата може на албански, практиката само на македонски јазик!
