Израелскиот премиер Бенјамин Нетанјаху денес ги повика лидерите на еврејскиот опозициски блок да му се придружат во влада на единство, нагласувајќи дека тоа е „итна потреба“, пренесе „Џерусалем пост“.
Во видео-порака, Нетанјаху изјави дека секоја еврејска партија може да ѝ се приклучи на владата – не исклучувајќи никого – додавајќи дека тој, како лидер на најголемата поединечна партија, треба да ја предводи оваа влада на единство.
„Оваа влада мора да ги вклучи сите партии од националниот блок, вклучително и ултраортодоксните хареди партии“, рече израелскиот премиер.
Тој исто така предупреди дека партиите мора да ги здружат силите за да се соочат со „големите предизвици“ со кои се соочува земјата.
„Влада не може да се формира со оние што го поддржуваат Хамас“, рече Нетанјаху.
Уште во саботата – првпат по изборите одржани во вторникот – премиерот повика на формирање влада на национално единство.
„Сега е време за единство. Тоа е волјата на народот и итна потреба. Влада што се потпира на оние што го поддржуваат теророт, нема да се бори против теророт“, изјави Нетанјаху. Според него, Израел „не би преживеал“ влада формирана од опозицијата заедно со „исламистите“, додавајќи дека таква влада „би го уништила Израел одвнатре“.
ИЗДВОЕНИ
Златните прачки и монети се сигурна инвестиција за Македонците, грам чисто злато чини 125 долари
Реакција: ЗНАМ е државотворна партија и не ги менува ставовите според дневнополитичките интереси
Власта уверува дека Алта банка ќе биде спасена од стечај
Хибридно решение за правосудниот испит – теоријата може на албански, практиката само на македонски јазик!
