За убијците на Данка Илиќ се бара доживотен затвор без условен отпуст: Потврдено по третпат дополнетото обвинение

Вишиот суд во Неготин, со големо задоцнување, во петокот, го потврди третиот по ред доставен обвинителен акт за С. Ј. и Д. Д., кои се товарат за убиство на двегодишната Данка Илиќ од Бор во Бањско Поле, на 26 март, 2024 година.

Соговорник на „Курир“ објаснува дека ова трето обвинение е дополнето со записниците за реконструкцијата и со дополнителните вештачења кои се направени во меѓувреме. Тој вели дека во ова обвинение фактичкиот опис на сè што се случило и на начинот на кој е убиено девојчето, останал ист, а со него обвинетите се товарат за тешко кривично дело убиство на дете, за што е предвиден доживотeн затвор без условен отпуст.

Според обвинението, С. Ј. и Д. Д., враќајќи се од работна задача со службено возило, го удриле малото девојче и го ставиле во багажникот. Кога виделе дека е живо, еден од нив го задушил со рака, а телото го фрлиле на дива депонија и подоцна го префрлиле на друга локација. Ни две години подоцна, телото на малата Данка не е пронајдено.

Судот потврди дека решението за потврда на обвинението е напишано на 35 страници, а бранителите имаат рок од три дена од неговиот прием да поднесат жалба до Апелациониот суд, кој, пак, може да го потврди, но и повторно да го врати на дополна или да го отфрли.