„За да бидеш најдобар во она што го правиш, мора да бидеш малку луд“

Поранешниот светски шампион во бокс, во тешка категорија на Глори, Холанѓанецот Рико Верховен, ги сподели своите мисли за неговиот боксерски меч со непоразениот 39-годишен поранешен апсолутен светски шампион во тешка категорија Украинецот Александар Усик . Нивната борба е закажана за 23 мај во Гиза (Египет), а во прашање е титулата во тешка категорија на верзијата ВБЦ.

Се очекува Усик да биде голем фаворит и малкумина му даваат шанса на Верховен. Рико има само една боксерска борба што ја добил, но оттогаш не боксувал. Рико во минатото тренирал со Тајсон Фјури и Том Аспинал. „Кралот на кикбоксот“ е самоуверен во себе и верува дека Усик никогаш не сретнал борец како него.

Рико планира да воведе елементи на кик бокс и да му го отежни што е можно повеќе на Усик патото до победата.

„За да бидеш најдобар во она што го правиш, мора да бидеш малку луд. Мора да бидеш малку луд и опседнат со она што го правиш, а јас сум токму таков. Сè правам совршено. Го сакам тоа и добивам задоволство од тоа. Го правам тоа со таква страст и среќен сум што сум тука. Се фокусираме на боречките вештини. Ги комбинирам двата света – кик боксот и боксот – за да го направиме овој спорт уште попопуларен. Александар решил многу боксерски загатки претходно. Но, никогаш не решил една како мене. Ќе внесам некои елементи од кикбоксот во борбата и ќе му дадам поинаков предизвик. Јас сум голем борец, тежам околу 125 килограми. Значи, ќе мора тоа да го има предвид“, рече Верховен.