Александар Вучиќ, носителот на листата „Обединета Србија“, изјави дека ќе ја предводи пратеничката група на таа листа во Народното собрание на Србија.
Гостувајќи на ТВ Пинк, Вучиќ рече дека е избран да ја предводи пратеничката група, иако сè уште не е јасно дали групата ќе се вика „Обединета Србија“ или „Србија против теророт“.
„Ќе бидам таму и, барем одредено време, ќе ја предводам пратеничката група – дали ќе можам да издржам подолго останува да се види, но некое време сигурно ќе бидам на чело на пратеничката група“, изјави Вучиќ, пренесува „Нова“.
Тој нагласи дека нивното однесување во парламентот ќе биде цивилизирано и насочено кон заштита на интересите на граѓаните.
„Што се однесува до тоа како ќе се однесуваме таму, ќе постапуваме пристојно и цивилизирано – едноставно ќе бидеме она што сме. Ќе ги застапуваме интересите на сите граѓани на Србија, како и интересите на една слободна и слободољубива Србија“, изјави тој.
ИЗДВОЕНИ
Додека градоначалникот на Крива Паланка чека прогласување кризна состојба, приказната за македонскиот град окупиран од 1.000 крави стана и вест за „Еуроњуз“/видео
Мицкоски: Од длабок минус дојдовме до точка нула – од сега очекувам само раст и поинтензивен развој
Димитриеска-Кочоска: Определбата да нема промена на даночните стапки наметна внимателно планирање на Буџетот за 2027 година – наш приоритет е јавните финансии да бидат стабилни
Македонија повторно поразена, но по 844 минути постигна гол!
