Вратена концесијата за „Иловица“, активистите најавуваат нова битка против рудникот

– Ова прашање не е резултат на одлуки донесени од актуелната Влада, туку претставува наследена правна состојба што произлегува од одлуките за спојување на концесиите донесени во јуни 2023 година, како и од последователните одлуки за нивни престанок донесени само еден месец подоцна, во јули 2023 година, по што е поведена судска постапка пред надлежните судови. Сегашната состојба е резултат на завршување на таа постапка со конечна пресуда на Вишиот управен суд – информираа од Владата. 

Еколошките активисти што веќе десет години се противат на отворањето на рудникот „Иловица-Штука“ посочуваат дека одлуката на Судот била донесена на 6 мај 2026, а Владата требало, но не поднела жалба, не реагирала. За нив е неприфатлива одлуката за враќање на одземените концесии, ја сметаат за антимакедонски чин и најавија дека деновиве ќе следуваат состаноци и средби со релевантни здруженија/иницијативи на отпорот против отворање на рудниците и ќе бидат донесени важни одлуки

Вишиот управен суд ja поништи одлуката на Владата за престанок на важењето на одлуката за спојување на концесијата за експлоатација на минерална суровина на локалитетот Иловица, Општина Босилово, со концесијата за експлоатација на минерална суровина на локалитетот Иловица, Општина Босилово и Општина Ново Село. Од Владата информираа дека станува збор за конечна одлука, која Владата е должна да ја почитува.

– Ова прашање не е резултат на одлуки донесени од актуелната Влада, туку претставува наследена правна состојба што произлегува од одлуките за спојување на концесиите донесени во јуни 2023 година, како и од последователните одлуки за нивни престанок донесени само еден месец подоцна, во јули 2023 година, по што е поведена судска постапка пред надлежните судови. Сегашната состојба е резултат на завршување на таа постапка со конечна пресуда на Вишиот управен суд – информираа од Владата.

Граѓанските здруженија „Здрава котлина“ и „Спас за Струмичката Котлина“, кои веќе десет години се противат на отворањето на рудникот „Иловица-Штука“, посочуваат дека одлуката на Судот била донесена на 6 мај 2026, а Владата требало, но не поднела жалба, не реагирала. За нив е неприфатлива одлуката за враќање на одземените концесии и ја сметаат за антимакедонски чин.

– Нашата десетгодишна борба никогаш не била само локална, бидејќи проектот за рудници на смртта е пат кон национална катастрофа, во вид на екоцид и геноцид. Затоа, без оглед во кој дел од Македонија живеете, оваа одлука е и против вас и вашата иднина. Ако помине „Иловица-Штука“, ќе поминат и други – се наведува, меѓу другото, во реакцијата на овие здруженија.

Оттаму најавуваат дека деновиве ќе следуваат состаноци и средби со релевантни здруженија/иницијативи на отпорот против отворање на рудниците и ќе бидат донесени важни одлуки.

– Не сомневајте се дека тие одлуки ќе бидат за народот, против мафијата. Борбата ќе продолжи докрај – истакнуваат од двете граѓански здруженија.

Од Владата нагласуваат дека се свесни дека кај дел од граѓаните, локалното население и граѓанските организации постојат оправдани прашања и загриженост поврзани со овој проект.

– Токму затоа Владата ќе продолжи целосно транспарентно да ги разгледува сите релевантни факти, стручни мислења и аргументи, во рамките на законските процедури и институционалните надлежности. Наш приоритет остануваат создавањето услови за економски раст, новите инвестиции и отворањето работни места, но тоа никогаш нема да биде на сметка на здравјето на граѓаните, природните ресурси и животната средина. Заштитата на јавниот интерес, почитувањето на највисоките еколошки стандарди и целосната законитост на постапките остануваат принципи од кои Владата нема да отстапи. Секое понатамошно постапување во однос на овој предмет ќе се одвива исклучиво врз основа на стручни анализи, законски процедури и институционален надзор, со целосна информираност на јавноста. Владата ќе продолжи одговорно, транспарентно и во согласност со законите да носи одлуки што ги штитат интересите на граѓаните, обезбедуваат правна сигурност и создаваат услови за одржлив развој на државата – потенцираат од Владата.

(С. Бл.)