Воени лекари се спуштија со падобран на остров за да му помогнат на Британец заразен со хантавирус/ВИДЕО

Британски воени медицински лица се спуштија со падобран на оддалечениот атлантски остров Тристан да Куња за да му помогнат на сонародник за кој се верува дека е заразен со хантавирус, објави денес Би-Би-Си.

Тој го напушти бродот MV Hondius, каде што избувна смртоносна епидемија на вирусот, кон средината на април, во близина на најоддалечената британска прекуокеанска територија, каде што живее.

🇬🇧 UK airborne medics rush to world’s most isolated island as hantavirus case turns critical

On Tristan da Cunha, UK Pathfinders and airborne medical teams were reportedly deployed after a British national contracted hantavirus, triggering a life threatening emergency on the… pic.twitter.com/L7dLWolxdi

— Defence Index (@Defence_Index) May 10, 2026

Тој ги пријави своите први симптоми две недели по напуштањето на бродот и наводно е во стабилна состојба, во изолација.

Тим од шест падобранци и двајца медицински персонал се спуштија со падобран на островот, дел од архипелаг во Јужниот Атлантик.

Ова е прв пат британската војска да спушти медицински персонал со падобран за да обезбеди хуманитарна поддршка, објави британското Министерство за одбрана.

Тристан да Куња има население од 221 жители, нема писта за слетување авиони и може да се стигне само по море – со брод.