Во својот препознатлив стил Трамп тврди: Вративме мртов човек во живот со нов лек/ВИДЕО

Американскиот претседател Доналд Трамп на прес-конференција изјави дека нов лек, чие име не го спомена, „може да ги врати луѓето од мртвите“. Во разговор со новинарите, Трамп со ентузијазам ги опиша ефектите од наводниот лек. „Лекувавме луѓе кои беа мртви“, рече тој. „Имавме случај каде што на едно лице му беа извршени последните обреди – беше отпишан, децата плачеа и сè – а потоа почнавме да му го даваме овој лек. И лицето се опорави. Лекот делува“.

За време на двата мандати на Трамп, американската јавност се навикна на лавина од лаги, а неговите помошници честопати се обидуваа да ги ублажат или преиспитаат таквите изјави. На пример, тие би можеле да тврдат дека „мртов“ не значел буквално мртов, туку дека тоа бил само фигуративен начин на претседателот да опише некој што бил многу болен.

Trump: "We've taken people that were dead. We had a person given the last rites — gone, the kids are crying and everything — and started them on this drug. And the person became better. It works." pic.twitter.com/1QMzj8sDH8

— Aaron Rupar (@atrupar) May 11, 2026

Ако го гледате снимката од целиот говор, можете да реконструирате како Трамп дошол до оваа бизарна изјава. Тој зборуваше за Законот за право на обид, кој беше донесен за време на неговата прва администрација. Законот им дозволува на терминално болните пациенти да користат експериментални третмани со мали шанси за успех, кои инаку би се сметале за премногу ризични или недоволно тестирани.

Трамп, во својот препознатлив стил, се чини дека претерал со изјавата за закрепнување на критично болен пациент.

Исто така е важно да се напомене дека, како и со многу од политичките наративи на Трамп, вистинското влијание на Законот за право на обид е дискутабилно. Како што објави „Стат“ во 2024 година, пациентите имале пристап до експериментални третмани дури и пред да се донесе законот. Критичарите тврдат дека новиот закон всушност ја поткопал нивната правна заштита во случај да бидат искористени од шарлатани во толку ранлив период од нивниот живот.